仍抱抗爭意識　對港大未死心

【蘋果日報】經過罷課、圍堵，港大最終未有採納廢除特首任校監必然制等獨立專家小組建議，學生行動最終無功而還。《學苑》前副總編輯陳雅明坦言更趨悲觀，但對港大尚未「死心」，因學生仍抱抗爭意識，「長遠嚟睇，終歸係有希望」。陳雅明批評校方後來成立的工作小組架空獨立專家小組建議，「本來預期成效都有啲，但估唔到最尾面對更強硬打壓，去到兩年之後，係完全無進步」。他親歷圍堵事件後，對實際改革希望更感渺茫，不會奢望校委會、特首自願放下權力。


應走長遠抗爭路線

提到未來抗爭路向，陳雅明以港大喻香港，「要諗點令市民團結起來」，「令港人嘅抗爭意識持續」。他指現時抗爭成本日增，「意識到（圍堵事件後）抗爭成本大咗，尤其係做激進行動時，喺呢個政治氣氛下，罪名會被無限放大，（當權者）會用啲好高嘅懲處手法處理、判刑都比以前高」。因此抗爭者現今需要的不再是「一時三刻的爆發力」，而是「長遠抗爭」，「只要保存咗一種改革同爭取院校自主嘅意識，其實長遠來睇，終歸係有希望」。


傘運後《學苑》因港獨專題被時任特首梁振英點名批評。作為當時的副總編輯，陳雅明也寫過有關香港建軍的文章，被視為港獨倡議者，「無人講，我哋就寫來想引起討論，當係討論前途嘅一種可能性」。陳續指，近期連標語也被禁，更顯大學自主的可貴，「中央對香港嘅政策改變，特別係要箝制院校自主，呢一樣嘢，先至係成件事嘅重要因素」。


■記者葉偉東