新聞類別
娛樂
詳情#
【蘋果日報】袁偉豪近日春風滿面，梗係啦，蜜運中喎！對象咪就係舊年個落選港姐張寶兒。
雖然袁偉豪話自己未過probation，不過觀乎佢提起戀情時啲應對，就知道兩小口子正值熱戀期。
適逢袁偉豪嘅現任張寶兒，以及前任岑杏賢都係落選港姐……補充番先，雖然兩人落選，但都分別攞咗啲唔係大選嘅獎，張寶兒攞友誼小姐，岑杏賢係2012年度嘅最上鏡小姐，話晒同樣入過最後10強，點都有番咁上下質素。
香港先生出身嘅袁偉豪入行以來緋聞唔少，如果計埋有傳主動出擊追袁偉豪嘅李施嬅——同樣係落選港姐，佢係2003年度港姐嘅最上鏡小姐，咁計法，圍繞住喺袁偉豪身邊嘅都係港姐，叫佢做「港姐殺手」，不無道理。
提到「港姐殺手」，其實近日仲有一個，就係被江美儀喺套劇度兜口兜面話「乜你啲戲咁屎嘅？」嘅陳展鵬。大家都知，佢同舊年嘅落選港姐單文柔今年3月被《蘋果》撞破夜遊山頂，之後數次再被目擊去撐枱腳同出遊，結果扭扭擰擰到7月先至認戀情。
雖然陳展鵬舊緋聞女友胡定欣唔係港姐出身，但佢比港姐更超班……
雖然袁偉豪話自己未過probation，不過觀乎佢提起戀情時啲應對，就知道兩小口子正值熱戀期。
適逢袁偉豪嘅現任張寶兒，以及前任岑杏賢都係落選港姐……補充番先，雖然兩人落選，但都分別攞咗啲唔係大選嘅獎，張寶兒攞友誼小姐，岑杏賢係2012年度嘅最上鏡小姐，話晒同樣入過最後10強，點都有番咁上下質素。
香港先生出身嘅袁偉豪入行以來緋聞唔少，如果計埋有傳主動出擊追袁偉豪嘅李施嬅——同樣係落選港姐，佢係2003年度港姐嘅最上鏡小姐，咁計法，圍繞住喺袁偉豪身邊嘅都係港姐，叫佢做「港姐殺手」，不無道理。
提到「港姐殺手」，其實近日仲有一個，就係被江美儀喺套劇度兜口兜面話「乜你啲戲咁屎嘅？」嘅陳展鵬。大家都知，佢同舊年嘅落選港姐單文柔今年3月被《蘋果》撞破夜遊山頂，之後數次再被目擊去撐枱腳同出遊，結果扭扭擰擰到7月先至認戀情。
雖然陳展鵬舊緋聞女友胡定欣唔係港姐出身，但佢比港姐更超班……
回應 (0)
