捧人氣拉麵場薛凱琪拖仔　撐枱腳

【蘋果日報】現年35歲嘅薛凱琪（Fiona）早排傳過佢同富二代男友鄧浩基（Bryon）秘婚，不過Fiona已經當面否認過。喺人前Fiona都自稱單身，日前佢同Bryon開住部名車去到中環鮮醬油房周月日本拉麵店食麵，喺本港係其中一間人氣拉麵店。
Bryon聽話揮手
嗰日閒日唔使點等位，好快佢哋就食完上返車，一出門Fiona就好自然咁戴口罩。當Fiona見到有記者埋去採訪嘅時候，佢好大方絞開車窗做訪問。當問到呢位係咪男朋友嘅時候，Fiona諗都唔使諗就話：「唔係呀，唔係男朋友，我朋友呀，冇拍拖。」仲驚死身邊嘅Bryon唔夾口供，擰轉頭用眼神要Bryon交戲，Bryon即刻笑晒揮手，真係聽話。Fiona見佢咁識做，臨走就叫記者「影得佢瘦啲喎」。之後Bryon車咗Fiona去上環放低，跟住自己就開車走。
Bryon位富爸爸鄧邦唔止喺上市公司獨立非執行董事富爸爸鄧邦，仲係出賽馬「喜盈運」嘅馬主。兩父子共同持有加拿大教育顧問有限公司以及中聲有限公司。