前年再婚今年陀B何嘉莉影全裸大肚相

【蘋果日報】今年37歲嘅何嘉莉，自從05年退出娛樂圈之後就將心思放落同前夫甜品店太子爺黃逸璋育有5歲囝囝Jean身上，前年何嘉莉宣佈再嫁機師Gerald，今年6月，佢喺IG宣佈再度陀B，現時陀住8個月BB嘅何嘉莉，除咗勤做孕婦瑜伽外，仲將個耳筒放喺個肚上，俾肚裡BB聽音樂，實行胎教政策。
距離生B仲有唔夠兩個月，昨日何嘉莉就貼咗張全裸嘅相上IG，平時勤做產前運動嘅佢，望落keep得好好，除咗個肚之外身上都冇乜多餘贅肉，佢仲hashtag咗##pregnancy#journey#secondchild，似乎想記錄低自己對即將出世嘅愛情結晶嘅心路歷程。