嘆現時社工難行公義

【蘋果日報】梁曉暘三年前衝擊立法會被捕後開始蓄長髮，記住當年自己模樣。但梁媽媽不喜歡留長髮，探監時他已剪短頭髮、剃去鬍鬚更顯活力，對媽媽來說是一種安慰，「佢摸吓個頭、又摸吓個鬚，問媽咪你覺得點樣？我梗係話好啦，靚仔啦。可能個仔想展現呢方面形象，等父母唔好擔心，到底內心世界係點？佢自己至知」。


工作忙少相處　感虧欠

梁爸爸曾是老師和訓導主任，媽媽在青少年中心任職社工。她說暑假是最繁忙時間，照料別人孩子卻忽略自己的兒子，到梁曉暘讀中二時，梁媽媽決心辭職彌補相處時光，「當我去話畀人聽點去重視親子關係、相處時間，我自己其實冇辦法付出，心裏一路好大虧欠」。


母子都是註冊社工，媽媽後來到教會工作。梁因東北案被捕後擔心警察上門驚擾家人，選擇搬走與戰友同住，也因有案在身，隨時面臨上庭和收監，故畢業後未入行。他曾在基層團體做地區工作，又做過地盤、酒吧、搬運工人等散工，梁媽媽說只要是正當職業，兒子體力又應付到她並不介意。兒子薪金雖比基層工人更低，但每月都象徵式交「利是」作為家用，梁媽媽有時知兒子拮据，會轉賬去兒子戶口。


基督徒重視「行公義、好憐憫」，梁媽媽指現時社工行公義往往力不從心，例如社區工作職位越來越少，社工難再扮演以往組織街坊抗爭，介入鄉村清拆事件等角色，「以前我入行有社區工作，都真係幾為民請命，例如鄉村清拆，exactly就係東北呢啲，依家冇晒」。


■記者潘柏林