同富貴黃有龍拍過拖葉翠翠閃嫁平民董事

【蘋果日報】葉翠翠一家三口樂也融融咁去玩具，一買就買咗三盒，睇嚟阿仔都有排玩。
原來翠翠今年已經36歲，佢喺05年選完港姐之後，同李逸朗拍過拖，同高鈞賢傳過緋聞，08年佢就同大陸富豪黃有龍相戀過。
翠翠同黃友龍嘅戀愛過程之中，翠翠生財有道，就算出生平民家庭，都搵到本錢購入兩個北角賽西湖單位，合共使費3000萬。黃有龍最終選擇同翠翠分手，與趙薇結婚，失戀嘅翠翠仲曾向傳媒承認對方有求過婚，但過去嘅事就有得佢過去，唔再多提，無奈喺外界眼中，翠翠失戀仲被質疑係黐金糠失敗。
好在翠翠終於搵到真愛，認識咗建築師男友周曉東，一直有傳周曉東係富貴人家，又係建築公司副董事，但原來佢返工同好多人一樣逼小巴咁貼地，翠翠唔嫌棄，拍拖僅10個月就同閃婚，今年4月仲生咗7磅半B仔。