新聞類別
娛樂
詳情#
【蘋果日報】熊黛林（Lynn）雖貴為「百億人妻」，為「挑戰」豁出去，在大熱天時搬着貨品進出工廈，又要不停開會和領教商場的險惡。Lynn和丈夫郭可頌創立的自家運動品牌Devi，在內地網站開售在即，她前日接受《蘋果》訪問時，仍仔細驗貨，確保沒有瑕疵。
「真係會呃你」
自言不適合做生意的Lynn，當初因一個「靚」字學做生意，她說：「有日我同老公講，成日做運動着嚟着去都係嗰幾件，好悶。隔咗幾日，老公突然同我講，不如自己做一個品牌，叫設計師幫你設計。」因此，Lynn踏進近兩年的痛苦旅程，由找設計師、搵廠、請職員，到開會及驗貨，親力親為，她說：「因為我未做過生意，唔知道一個廠係點樣運作，你講咗幾時要驗貨，到咗嗰陣時，搵唔到人呀！跟住啲貨又遲咗好多日，到送過嚟之後貨不對辦，啲料又差，原來真係會有人咁樣呃你！」
萬事起頭難，Lynn要不停跟設計師開會，承受不少壓力，她說：「我真係時時刻刻都想放棄，太辛苦喇，真係成日喺度喊！」郭可頌當然心痛，但不能表露出來，Lynn解釋：「老公話做生意係咁㗎，我明佢嘅意思。」品牌名字「Devi」是印度文，解作女神，問到選用的因由，Lynn甜笑說：「我老公話『你咪我嘅女神囉！』」
拒賀城城添女
此外，Lynn前晚在中環出席時裝活動時，被問舊愛郭富城傳已添女，問到會否恭喜對方？她即謂：「我諗唔會，冇咁嘅需要囉！」
採訪：馮國康
化妝：Ig：zoefan
髮型：Chris@ILcolpo Platinum
「真係會呃你」
自言不適合做生意的Lynn，當初因一個「靚」字學做生意，她說：「有日我同老公講，成日做運動着嚟着去都係嗰幾件，好悶。隔咗幾日，老公突然同我講，不如自己做一個品牌，叫設計師幫你設計。」因此，Lynn踏進近兩年的痛苦旅程，由找設計師、搵廠、請職員，到開會及驗貨，親力親為，她說：「因為我未做過生意，唔知道一個廠係點樣運作，你講咗幾時要驗貨，到咗嗰陣時，搵唔到人呀！跟住啲貨又遲咗好多日，到送過嚟之後貨不對辦，啲料又差，原來真係會有人咁樣呃你！」
萬事起頭難，Lynn要不停跟設計師開會，承受不少壓力，她說：「我真係時時刻刻都想放棄，太辛苦喇，真係成日喺度喊！」郭可頌當然心痛，但不能表露出來，Lynn解釋：「老公話做生意係咁㗎，我明佢嘅意思。」品牌名字「Devi」是印度文，解作女神，問到選用的因由，Lynn甜笑說：「我老公話『你咪我嘅女神囉！』」
拒賀城城添女
此外，Lynn前晚在中環出席時裝活動時，被問舊愛郭富城傳已添女，問到會否恭喜對方？她即謂：「我諗唔會，冇咁嘅需要囉！」
採訪：馮國康
化妝：Ig：zoefan
髮型：Chris@ILcolpo Platinum
回應 (0)
