災區選民：揀為澳門做嘢嘅人

【蘋果日報】上月底天鴿襲澳，嚴重摧毀市內設施，多區長期停水停電。事隔近一個月，市內仍找到風災留下的痕迹，如黑沙環豪宅「寰宇天下」破裂玻璃窗仍以木板遮擋，而出現水浸且找到屍體的筷子基快達樓停車場內仍有大量報銷車輛，滿佈泥漿。不少重災區居民於昨日投票，表示風災改變其投票意向，希望用手上一票選出真正為澳門付出的議員。
盼將反對聲帶入議會
住在重災區海明居的王小姐指風災時單位水浸，至今仍未維修好，風災影響其投票意向，「希望投到個好嘅議員」。她原打算票投另一位候選人，因過去兩屆都投他，但質疑那候選人的風災善後表現欠佳，故改投他人，「投個真係為澳門市民做嘢嘅人」。她又指越來越多首次投票的人，估計主要與近年社會怨氣增加有關，風災或只是導火線。
家住筷子基的銀行職員黃小姐今次是第二次投票，「今次風災令到習慣喺屋企、本身冇做嘢嘅人，好似我媽咪咁，會想出番嚟投吓票，為澳門出番分力」。她指希望議員能為澳門發聲，以及改善房屋及交通政策。
記者昨亦到訪另一重災區十月初五街，不時聽到市民或店舖老闆討論天鴿帶來的影響。小食店老闆高先生表示，一定會投票，又指風災後首兩天也未見官員蹤影，「乜都係我哋自己搞，嗰啲問責官員一個都冇出現過」。高指今屆一定會投票，「表達吓自己（不滿），政府嗰啲懶散，同唔關心市民」。
開生果店的梁先生則指風災當日水深兩米高，損失慘重，昨早投票表達意願，因風災揭示澳門立法會需要新人入局，「澳門乜嘢都用錢」。梁心儀民主派，欲將反對聲音帶入議會，「我都希望投畀新人，如果成日都係呢批人，咁冇乜必要投」。
賀伯伯風災期間飽受斷水斷電兩日之苦，昨也坐電動輪椅到票站投票，他指希望議員能改善長者福利，「真係好慘，周圍水浸，好似海洋咁，又冇(車立)落番嚟」。
《蘋果》記者