中環在線：詹培忠：收番交易大堂唔捨得

【蘋果日報】講到交易大堂，除咗張華峰，又點少得70歲「金牌莊家」詹培忠，佢爸爸1970年同朋友買入經紀牌，佢因而加入遠東交易所做出市員，之後喺股壇闖出名堂。
詹培忠呢晚都有捧場，佢話家陣科技發達，交易大堂使用率低係無可避免，要收番都好唔捨得咁話。呢晚大家玩得好開心，但詹培忠冇飲太多，始終身體要緊。
88歲有「富豪御用經紀」之稱嘅董偉，呢晚要趕兩場，都堅持出席。雖然佢冇着「95」紅衫仔，但係仲好記得以前喺交易大堂買賣嘅情況。對於時代發展，交易大堂要執，佢都話冇辦法，對一班出市代表來講，係一個打擊，「好可惜，冇咗交易所畀班好友眾埋一齊。」
李華華
LiWaWa@AppleDaily.com