新聞類別
財經
詳情#
【蘋果日報】許留山母公司「煌天國際」上月交咗上市申請，噚日旗下火鍋品牌「黃記煌」喺尖沙咀開設分店，董事長黃耕專程帶埋太太由內地飛來港開張，仲有翠華（1314）老闆李遠康捧場。
為慶祝正式開張，董事長黃耕非常有心，完咗醒獅活動，換衫變身廚師，教大家點食黃記煌最有名嘅「三汁」燜鍋，有板有眼㖭。
但最特別應該係黃耕太太，佢原來係內地演員田子田，上網見到佢有啲相，都幾性感下，噚日出席活動，佢就玩襯色，着咗條鮮黃色裙，同黃記煌、黃生黃太個「黃」字襯埋晒一齊。
不過佢好低調，只係現身影相，唔多說話，主持人介紹佢出場時，形容佢係「黃夫人」。
講番黃記煌，佢喺內地已經有超過600間分店，香港早於兩年前喺灣仔開業，不過管理層話，考慮到目標客群與店舖形象後，執咗灣仔嗰間，另選尖沙咀開店，呢間舖超過3,000呎，生意唔錯咁話。
黃記煌與許留山既然同一屋簷下，點少得交叉銷售呢。黃記煌餐牌入面係有許留山最出名嘅「芒椰奶西」、「多芒小丸子」等。管理層話，主要係睇中香港年輕人鍾意食飯後甜品，咁就可以食完主菜，順便叫埋許留山甜品，唔使走來走去喎。
李華華
LiWaWa@AppleDaily.com
為慶祝正式開張，董事長黃耕非常有心，完咗醒獅活動，換衫變身廚師，教大家點食黃記煌最有名嘅「三汁」燜鍋，有板有眼㖭。
但最特別應該係黃耕太太，佢原來係內地演員田子田，上網見到佢有啲相，都幾性感下，噚日出席活動，佢就玩襯色，着咗條鮮黃色裙，同黃記煌、黃生黃太個「黃」字襯埋晒一齊。
不過佢好低調，只係現身影相，唔多說話，主持人介紹佢出場時，形容佢係「黃夫人」。
講番黃記煌，佢喺內地已經有超過600間分店，香港早於兩年前喺灣仔開業，不過管理層話，考慮到目標客群與店舖形象後，執咗灣仔嗰間，另選尖沙咀開店，呢間舖超過3,000呎，生意唔錯咁話。
黃記煌與許留山既然同一屋簷下，點少得交叉銷售呢。黃記煌餐牌入面係有許留山最出名嘅「芒椰奶西」、「多芒小丸子」等。管理層話，主要係睇中香港年輕人鍾意食飯後甜品，咁就可以食完主菜，順便叫埋許留山甜品，唔使走來走去喎。
李華華
LiWaWa@AppleDaily.com
回應 (0)
