食客走冰　改點熱飲

【蘋果日報】凍飲要「走冰」？不少光顧快餐店的消費者均表示，快餐店銷售凍飲竟附送大量的大腸菌群做法不負責任；為求自保，即使日後再光顧，點選汽水等凍飲時，也會要求「走冰」。
曾經光顧肇事粉嶺肯德基、麥當勞的宋小姐獲悉《蘋果》抽驗結果後，顯得十分驚訝，表示沒有想過快餐店凍飲的冰塊大腸菌群含量會超出標準以倍數計，認為有關食肆需要作出改善措施，「都唔想惡化落去，因為會傷害自己口碑」；又表示為求自保，下次光顧快餐店時會要求「走冰」，或者改點熱飲。
超標逾倍感驚訝
鄭同學稱，因為早前家人提及快餐店採取水喉水製冰，冰塊會含菌，自始盡量不喝含冰的凍飲，或要求少些冰塊，「少啲冰，汽水都多啲」；但當他獲悉冰塊細菌含量超標以倍數計後，他斬釘截鐵說：「超標咁多？就係無諗過，以後飲凍嘢都唔要冰，全部都要走冰。」
陸同學則表示，經常光顧快餐店及選擇凍飲，對冰塊的大腸菌群含量超標是意料之內，但未料超標高達1.7倍，「菌就一定有，無諗過咁多，但無計，咁熱逼住要飲冰嘅凍飲」。
■記者蔡朗清