新聞類別
娛樂
詳情#
【蘋果日報】【《蘋果》專訪】從影近四十年的惠英紅，早於1982年已經憑動作片《長輩》摘下第一屆金像獎影后，從此奠定武打演員路線，拍下無數動作片，後來再憑《心魔》及《幸運是我》兩度奪得影后寶座。事實上紅姐近年已經甚少亮相動作片，直到由《心魔》導演何宇恒主理的《Mrs K》，周身傷的她去年以56歲高齡由頭打到尾，並宣告自此告別動作片。
撰文：曹家誠
化妝：諺小白
造型：Queenie Yu
服裝：VERSACE
場地提供：如心銅鑼灣海景酒店
現年57歲的惠英紅曾三奪影后，近日她接拍何宇恒執導的動作片《Mrs K》，不過她宣佈從此告別動作片，日前她在銅鑼灣接受《蘋果》訪問，細訴接拍《Mrs K》主因是出自報恩：「今次已經第三次同何導合作，劇本佢喺五年前我51歲嘅時候就已經話開，結果等到我56歲先開，如果再遲多一年我都拍唔到啦。」紅姐坦言絕對屬年紀問題：「因為知道自己無論點keep，身體機能都係退化，開始信心不足，而且喺拍攝過程入面又受咗傷，胸骨都裂埋，所以就知道真係時候要停，否則搵埋啲錢睇醫生都唔夠。」
「帶畀我捷徑」
話雖如此，但紅姐依然對何導充滿感激，尤其是因為演出《心魔》，令受情緒病困擾的她，再度復出幕前，並成功摘下影后寶座：「全因為佢，否則我唔會行得番咁快，佢未出現嗰兩年，過程係幾辛苦，同時亦帶畀我好多捷徑，去行返嚟今時今日呢度，所以當佢搵我傾嘅時候，我係一口應承。」
戲中紅姐由頭帶到尾，既要拳拳到肉和任達華及大馬影帝Faizal Hussein過招外，跟戲中丈夫伍佰及女兒的連場內心戲亦佔相當大篇幅。紅姐覺得以《Mrs K》作為動作片收山作相當圓滿：「要遇到一個劇本以自己為中心，我諗錯過咗未必遇得番，而且呢個（何導）係我嘅恩人，所以係一個好好嘅機會做收山作。」
「唔識得說不」
回望數十年動作片生涯，紅姐感到完全無憾：「50幾歲高齡整個咁好嘅劇本畀我仲想點？唔係個個有呢啲機會，有啲轉咗戲路就不了了之，所以我覺得個天對我好好。」公開宣佈停拍動作片原來有另一考慮，紅姐說：「我份人唔識得say no，講咗以後其他人唔使搵我啦，唔想再用自己身體嚟較飛，我最怕係臨老先嚟出問題就淒涼，其實依家身體都有唔少問題，同細佬妹去旅行行得耐都周身骨痛，呢啲全部都係以前嘅舊患。」
此外，本地著名藝術家又一山人為紅姐拍攝了一輯相集，於即日起至16日於荔枝角D2 place商場舉行「惠英紅Moving On57 x57」展覽，本月18日至10月2日則移師尖沙嘴iSquare舉行。
撰文：曹家誠
化妝：諺小白
造型：Queenie Yu
服裝：VERSACE
場地提供：如心銅鑼灣海景酒店
現年57歲的惠英紅曾三奪影后，近日她接拍何宇恒執導的動作片《Mrs K》，不過她宣佈從此告別動作片，日前她在銅鑼灣接受《蘋果》訪問，細訴接拍《Mrs K》主因是出自報恩：「今次已經第三次同何導合作，劇本佢喺五年前我51歲嘅時候就已經話開，結果等到我56歲先開，如果再遲多一年我都拍唔到啦。」紅姐坦言絕對屬年紀問題：「因為知道自己無論點keep，身體機能都係退化，開始信心不足，而且喺拍攝過程入面又受咗傷，胸骨都裂埋，所以就知道真係時候要停，否則搵埋啲錢睇醫生都唔夠。」
「帶畀我捷徑」
話雖如此，但紅姐依然對何導充滿感激，尤其是因為演出《心魔》，令受情緒病困擾的她，再度復出幕前，並成功摘下影后寶座：「全因為佢，否則我唔會行得番咁快，佢未出現嗰兩年，過程係幾辛苦，同時亦帶畀我好多捷徑，去行返嚟今時今日呢度，所以當佢搵我傾嘅時候，我係一口應承。」
戲中紅姐由頭帶到尾，既要拳拳到肉和任達華及大馬影帝Faizal Hussein過招外，跟戲中丈夫伍佰及女兒的連場內心戲亦佔相當大篇幅。紅姐覺得以《Mrs K》作為動作片收山作相當圓滿：「要遇到一個劇本以自己為中心，我諗錯過咗未必遇得番，而且呢個（何導）係我嘅恩人，所以係一個好好嘅機會做收山作。」
「唔識得說不」
回望數十年動作片生涯，紅姐感到完全無憾：「50幾歲高齡整個咁好嘅劇本畀我仲想點？唔係個個有呢啲機會，有啲轉咗戲路就不了了之，所以我覺得個天對我好好。」公開宣佈停拍動作片原來有另一考慮，紅姐說：「我份人唔識得say no，講咗以後其他人唔使搵我啦，唔想再用自己身體嚟較飛，我最怕係臨老先嚟出問題就淒涼，其實依家身體都有唔少問題，同細佬妹去旅行行得耐都周身骨痛，呢啲全部都係以前嘅舊患。」
此外，本地著名藝術家又一山人為紅姐拍攝了一輯相集，於即日起至16日於荔枝角D2 place商場舉行「惠英紅Moving On57 x57」展覽，本月18日至10月2日則移師尖沙嘴iSquare舉行。
回應 (0)
