新聞類別
財經
詳情#
【蘋果日報】
人世間的痛苦，除了不懂珍惜一段錯過了的真摯感情以外，仲有就係一再證實，真話無人鍾意聽，越坦白，越大鑊，反而不負責任、一味呃呃氹氹行走江湖那些，越做越掂。小友問：咁點先，又話做人要忠直嘅？
唉，這種事，在職場打滾幾十年，還遇得少嗎？根本日日身受其害，唯有學習在原則以外，特別留意presentation，盡量考慮對方感受。不過老老實實，一直學藝不精，無甚進步。
所以，每見有人講真心話而被輿論口株筆伐，鬧管鬧，Mary心底亦寄予無限同情。
像林奮強日前的「唔好喺香港住囉」論，聽落真係好難入耳，難怪在網上被群起攻擊，但如你用心把前文後理串連，其實他是認同年輕人置業真的無望，如果一切不變，土地供應依然有心無力，大家不如離開香港另謀出路好了，反正香港不是「令人開心的地方」。這和網上流傳，說他話「買唔起樓可以考慮搬走」，實在有點分別。
不過同情是一回事，出得來行，學人上電視做訪問，就要有充足準備，如履薄冰。一番話，如何鋪排演繹、如何遣辭造句，出鏡前無論如何要精心推敲，確保不多不少，字字珠璣，切切不應留下疑點，甚至給人口實，把原意扭曲，白白把一個說理明志的機會浪費掉。
如果人人隨便脫口就可以做發言人，還何用真金白銀請顧問做media training，還用一個個膊頭有花嘅一齊度模擬答案。有啲工夫，唔慳得嘅。
彭瑪莉
彭瑪莉
marypang2015@gmail.com
人世間的痛苦，除了不懂珍惜一段錯過了的真摯感情以外，仲有就係一再證實，真話無人鍾意聽，越坦白，越大鑊，反而不負責任、一味呃呃氹氹行走江湖那些，越做越掂。小友問：咁點先，又話做人要忠直嘅？
唉，這種事，在職場打滾幾十年，還遇得少嗎？根本日日身受其害，唯有學習在原則以外，特別留意presentation，盡量考慮對方感受。不過老老實實，一直學藝不精，無甚進步。
所以，每見有人講真心話而被輿論口株筆伐，鬧管鬧，Mary心底亦寄予無限同情。
像林奮強日前的「唔好喺香港住囉」論，聽落真係好難入耳，難怪在網上被群起攻擊，但如你用心把前文後理串連，其實他是認同年輕人置業真的無望，如果一切不變，土地供應依然有心無力，大家不如離開香港另謀出路好了，反正香港不是「令人開心的地方」。這和網上流傳，說他話「買唔起樓可以考慮搬走」，實在有點分別。
不過同情是一回事，出得來行，學人上電視做訪問，就要有充足準備，如履薄冰。一番話，如何鋪排演繹、如何遣辭造句，出鏡前無論如何要精心推敲，確保不多不少，字字珠璣，切切不應留下疑點，甚至給人口實，把原意扭曲，白白把一個說理明志的機會浪費掉。
如果人人隨便脫口就可以做發言人，還何用真金白銀請顧問做media training，還用一個個膊頭有花嘅一齊度模擬答案。有啲工夫，唔慳得嘅。
彭瑪莉
彭瑪莉
marypang2015@gmail.com
回應 (0)
