拒唱K歌被飛

【蘋果日報】於04年憑劇集《金枝慾孽》奪無綫視帝的林保怡，原來最初入行是做歌手，13歲已夾Band，15歲成為半職業鼓手，22歲在唱片公司任製作統籌，保怡說：「其實我最初係Deanie姐（葉德嫻）碟嘅製作統籌，佢突然同監製講：『呢首歌搵埋保怡合唱。』我企喺後面，又唔係喜悅又唔係激動，感覺係一個命令，咁就錄咗《離合圓缺》。」 兩年後，24歲的保怡才正式出處男唱片，他說：「當時我新得嚟好快被列入實力派，唔係玩玩吓新人，我好認真做十首歌，有自己風格，但冇諗過做歌星、明星，到依家2017年都冇諗過做明星，我唔係星，我係演員。我點解唔做歌手，因為老闆娘逼我唱K歌，嗰時啱啱流行，我話我唔鍾意呢啲歌，我要有性格啲嘅歌，傾唔埋欄，所以唔畀出囉。」