新聞類別
副刊
詳情#
【明報專訊】近排香港嘅大事，梗係新一屆特首林鄭月娥上場啦，佢仲用教育政策打頭炮，上個禮拜就上咗立法會，公布50億元教育經常開支嘅首階段運用方案。Mama即刻打醒十二分精神，聽下佢有咩新措施。
林太提出要喺中小學創造2350個常額教師職位、將特殊教育需要統籌主任試驗計劃恆常化，同埋為DSE考到「3322」合資格讀大學嘅學生，提供每年每人3萬蚊嘅資助，畀佢哋去讀自資院校嘅課程。Mama覺得爭議性唔算大，難怪議員同教育界都普遍贊成啦！
對本屆考生無即時效用
贊成還贊成，但唔好過分高估成效。以自資院校學生嘅資助為例，學友社學生輔導中心總幹事吳寶城就同Mama講，由於措施推出得比較遲，今屆嘅DSE考生基本上都決定咗升學途徑，所以冇乜即時效用。
最關鍵係今次獲資助嘅範圍，只包括自資院校，例如香港專業進修學校（港專）、恒生管理學院（恒管）等，至於八間資助大學開辦嘅自資課程，並唔喺受惠範圍以內，變相成效細好多，「畢竟學費只係選校嘅其中一個考慮，好多時學生會留意院校嘅知名度，同埋能唔能夠銜接上大學。佢哋傾向選八大院校嘅課程，因此得唔到資助」。
點解只有自資院校受惠呢？吳寶城估計，政府唔單止係為學生考慮，亦刻意為港專、恒管等院校開拓市場，「八大院校本身名聲就好啲，對學生嚟講有吸引力。今次政府落手落腳，畀錢同學去讀自資院校，其實發放緊一個信息——自資院校所辦嘅課程並非次一等，政府都會認可，希望藉此鼓勵同學入讀」。
對於政府呢個做法，吳寶城就有所保留喇。佢話部分八大院校嘅自資課程，的確已經好受歡迎，例如香港科技大學嘅全球工商管理學士課程，係同兩間外國大學合辦，一讀完就有齊3間大學頒發證書，即使學費突破100萬，都好多人想讀，「不過有啲自資課程，就算由八大院校開辦，喺市場上都唔算突出，報讀人數同港專、恒管可能差唔多。係咪應該考慮畀資助，同樣鼓勵學生入讀呢？」
雖然有不足嘅地方，但吳寶城都建議，學生同老師要因應新措施而調整生涯規劃。學生要先知道，政府畀錢讓學生入讀自資院校，可見有一定認受性，決定出路時就多咗個選擇。老師都可以向學生講解新措施，或者帶學生去自資院校參觀，令佢哋多吸收相關入學資訊。
[Happy PaMa 教得樂 第146期]
林太提出要喺中小學創造2350個常額教師職位、將特殊教育需要統籌主任試驗計劃恆常化，同埋為DSE考到「3322」合資格讀大學嘅學生，提供每年每人3萬蚊嘅資助，畀佢哋去讀自資院校嘅課程。Mama覺得爭議性唔算大，難怪議員同教育界都普遍贊成啦！
對本屆考生無即時效用
贊成還贊成，但唔好過分高估成效。以自資院校學生嘅資助為例，學友社學生輔導中心總幹事吳寶城就同Mama講，由於措施推出得比較遲，今屆嘅DSE考生基本上都決定咗升學途徑，所以冇乜即時效用。
最關鍵係今次獲資助嘅範圍，只包括自資院校，例如香港專業進修學校（港專）、恒生管理學院（恒管）等，至於八間資助大學開辦嘅自資課程，並唔喺受惠範圍以內，變相成效細好多，「畢竟學費只係選校嘅其中一個考慮，好多時學生會留意院校嘅知名度，同埋能唔能夠銜接上大學。佢哋傾向選八大院校嘅課程，因此得唔到資助」。
點解只有自資院校受惠呢？吳寶城估計，政府唔單止係為學生考慮，亦刻意為港專、恒管等院校開拓市場，「八大院校本身名聲就好啲，對學生嚟講有吸引力。今次政府落手落腳，畀錢同學去讀自資院校，其實發放緊一個信息——自資院校所辦嘅課程並非次一等，政府都會認可，希望藉此鼓勵同學入讀」。
對於政府呢個做法，吳寶城就有所保留喇。佢話部分八大院校嘅自資課程，的確已經好受歡迎，例如香港科技大學嘅全球工商管理學士課程，係同兩間外國大學合辦，一讀完就有齊3間大學頒發證書，即使學費突破100萬，都好多人想讀，「不過有啲自資課程，就算由八大院校開辦，喺市場上都唔算突出，報讀人數同港專、恒管可能差唔多。係咪應該考慮畀資助，同樣鼓勵學生入讀呢？」
雖然有不足嘅地方，但吳寶城都建議，學生同老師要因應新措施而調整生涯規劃。學生要先知道，政府畀錢讓學生入讀自資院校，可見有一定認受性，決定出路時就多咗個選擇。老師都可以向學生講解新措施，或者帶學生去自資院校參觀，令佢哋多吸收相關入學資訊。
[Happy PaMa 教得樂 第146期]
回應 (0)
