新聞類別
副刊
詳情#
【明報專訊】中國首艘航空母艦「遼寧號」噚日訪港，成為全城熱話，除咗有軍事迷瘋狂撲飛，連一班建制派議員都十分興奮期待。
不過尊貴嘅議員當然唔需要同普通市民一樣排通宵等飛啦，佢哋噚日獲邀率先上船參觀，同埋出席甲板酒會，但政府安排嘅接駁船船期撞正財委會開會時間，搞到建制派都擔心「蘇州過後無艇搭」，同遼寧艦無緣。最終政府特別為議員加開咗一班接駁船，特別方便議員開完財會先上船出發去遼寧號。
未上艦先興奮 登駁艇即直播
唔少建制派上船後都好興奮，由上接駁船開始就已經不斷facebook直播，去到現場又爭住同戰機機師合照；人大代表張明敏仲喺活動上高唱《我的中國心》，又同另外兩個人大代表王庭聰及吳秋北合唱《愛拼才會贏》。
噚晚嘅甲板酒會，除咗議員，新一屆政府班子、行會成員以及港區人代都有出席。官員都難掩興奮，新任運輸及房屋局長陳帆話，自己從未登上戰艦，心情緊張，最希望可以見到特別裝備。
林鄭月娥就喺facebook分享心情，話雖然自己唔係軍事迷，但親身上戰艦，「場面真係好震撼！」
不過尊貴嘅議員當然唔需要同普通市民一樣排通宵等飛啦，佢哋噚日獲邀率先上船參觀，同埋出席甲板酒會，但政府安排嘅接駁船船期撞正財委會開會時間，搞到建制派都擔心「蘇州過後無艇搭」，同遼寧艦無緣。最終政府特別為議員加開咗一班接駁船，特別方便議員開完財會先上船出發去遼寧號。
未上艦先興奮 登駁艇即直播
唔少建制派上船後都好興奮，由上接駁船開始就已經不斷facebook直播，去到現場又爭住同戰機機師合照；人大代表張明敏仲喺活動上高唱《我的中國心》，又同另外兩個人大代表王庭聰及吳秋北合唱《愛拼才會贏》。
噚晚嘅甲板酒會，除咗議員，新一屆政府班子、行會成員以及港區人代都有出席。官員都難掩興奮，新任運輸及房屋局長陳帆話，自己從未登上戰艦，心情緊張，最希望可以見到特別裝備。
林鄭月娥就喺facebook分享心情，話雖然自己唔係軍事迷，但親身上戰艦，「場面真係好震撼！」
回應 (0)
