新聞類別
副刊
詳情#
【明報專訊】新特首林鄭月娥新上場，林太早前講明老公林兆波唔打算做任何公職，Emily就向25間搵過特首夫人梁唐青儀做榮譽職位嘅組織查詢，其中有12間回覆，大部分都話暫時未有決定。有組織職員私下同Emily講，按慣例都係搵特首配偶，如今林生話唔做，都覺得「好頭痕」。
贊助人代表政府認同
回覆嘅12間機構，以往全部都係搵梁唐青儀做贊助人、總領袖等榮譽職位。其中香港中國婦女會就話，過往都係邀請特首夫人做贊助人，梁太嘅任期喺6月30日結束，已經發信邀請咗特首林太做贊助人，但暫時未收到回覆。香港唐氏綜合症協會情况亦類似，都仲未收到林太回覆。
有機構職員就同Emily講，佢哋按慣例都係搵特首配偶做贊助人，知道林太公開講明林生唔會做任何公職，覺得「好頭痕」，一時間唔知搵邊個做，但佢哋都照去信畀特首辦，問吓到底林生定林太會願意。另有機構職員話，贊助人呢個位重要，代表政府認同機構，但贊助人職位對機構運作無實際影響，所以暫時懸空都唔係問題。
CY梁太任198機構榮譽職位
Emily問過新任特首辦，佢哋回覆，已經收到多個邀請，搵林太或林生做榮譽職位，正處理緊邀請，重申林太早前公開表明尊重丈夫意願唔打算接受任何公職，「懇請機構諒解」，另作安排。Emily查過，梁振英在任特首時，佢同梁太一共做過198間機構嘅榮譽職位，唔知林太上場之後，會唔會一個人好打得咁攬晒呢啲公職上身呢？
贊助人代表政府認同
回覆嘅12間機構，以往全部都係搵梁唐青儀做贊助人、總領袖等榮譽職位。其中香港中國婦女會就話，過往都係邀請特首夫人做贊助人，梁太嘅任期喺6月30日結束，已經發信邀請咗特首林太做贊助人，但暫時未收到回覆。香港唐氏綜合症協會情况亦類似，都仲未收到林太回覆。
有機構職員就同Emily講，佢哋按慣例都係搵特首配偶做贊助人，知道林太公開講明林生唔會做任何公職，覺得「好頭痕」，一時間唔知搵邊個做，但佢哋都照去信畀特首辦，問吓到底林生定林太會願意。另有機構職員話，贊助人呢個位重要，代表政府認同機構，但贊助人職位對機構運作無實際影響，所以暫時懸空都唔係問題。
CY梁太任198機構榮譽職位
Emily問過新任特首辦，佢哋回覆，已經收到多個邀請，搵林太或林生做榮譽職位，正處理緊邀請，重申林太早前公開表明尊重丈夫意願唔打算接受任何公職，「懇請機構諒解」，另作安排。Emily查過，梁振英在任特首時，佢同梁太一共做過198間機構嘅榮譽職位，唔知林太上場之後，會唔會一個人好打得咁攬晒呢啲公職上身呢？
回應 (0)
