回歸大典的兩面旗

【明報專訊】為慶祝特區成立20周年，港府喺北京國家博物館搞「香港回歸祖國20周年——同心創前路　掌握新機遇」成就展，展期至7月16日，唔少政界人士前日都去咗北京參加開幕禮。經民聯議員林健鋒噚日就喺facebook上載喺展館內影嘅相，話展品包括佢背後嘅國旗同特區區旗，話呢兩面旗係1997年會歸大典於會展升起嘅原裝正品，話意義非凡！


呢個展覽分為10個單元，展出40多套展品、40多段視頻及200多張圖片，仲話配有模型、多媒體製作和互動裝置，全面介紹香港最新發展。