高永文肥胡北京飯敘

【明報專訊】特區政府噚日喺北京搞咗個「香港回歸祖國20周年——同心創前路 掌握新機遇」成就展，除咗現任及候任特首，唔少行將離任嘅局長包括食衛局長高永文及政制及內地事務局長譚志源都有上京。而曾任醫管局主席嘅政協常委、「肥胡」胡定旭（中），知道老拍檔高永文（左）喺度，就特登搵佢午飯敘舊。


今次係高永文最後一次以局長身分訪京，肥胡咁啱喺北京開常委會，就搵咗衛計委嘅老朋友同高醫生飯敘。席間衛計委國際合作司王立基司長（右）仲話代表衛計委向高醫生致敬，感謝佢任內對中港醫療衛生合作上嘅貢獻。