佐丹奴言出必行回購

【明報專訊】佐丹奴（0709）喺3日前話可能會回購股份，噚日就回購咗25.2萬股股份，每股回購價介乎4.20至4.24元，即係攞咗超過100萬出嚟，果然講得出做得到﹗

斥資逾100萬

早前，佐丹奴就話董事會認為現時交易價格反映唔到公司嘅內含價值，相信回購股份可以反映自己對長期業務展望嘅信心，又話有能力喺進行回購股份嘅同時維持業務增長。


其實佐丹奴之前話有意行使獲股東授予購回最多約1.57億股，相當已發行股份總數嘅10%，用當日收市價3.88元嚟計，涉及嘅金額足足6億元；而截至去年底，佐丹奴嘅現金及銀行結存淨額為10.95億元。


佔已發行股份0.016%

但係依家佐丹奴只係用咗106.54萬去回購股份，佔已發行股份嘅0.016%，唔知會唔會再有下一步回購股份嘅行動呢？

[小琴密語]