Formula E再戰中環

【明報專訊】國際汽車聯會（ Fédération Internationale de l'Automobile）日前喺日內瓦公布第四季「電動方程式錦標賽」（Formula E）嘅賽程，落實香港站將會成為新賽季嘅揭幕戰！舊年Formula E首度喺香港舉行，吸引咗兩萬人入場支持，並透過電視轉播畀全球1810萬觀眾一齊欣賞。


Formula E第四季比賽，將於12月2日至3日（周六、周日）喺中環海濱賽道揭幕，商務及經濟發展局長蘇錦樑話，去年嘅賽事成功，彰顯香港作為亞洲國際都會同亞洲盛事之都嘅地位，佢仲話有信心今年嘅賽事都會同樣成功，令嚟自世界各地嘅遊客感受到香港作為首選旅遊勝地嘅精彩魅力。