「印象∞香港」展覽 回顧20年基建

【明報專訊】仲有12日香港就回歸20周年，嚟緊呢兩個禮拜有唔同活動畀市民參加。Emily覺得啲活動都幾吸引，例如聽日（20號）起至11月底，中環愛丁堡廣場3號展城館就會有「印象∞香港」展覽，可以睇番過去20年嘅規劃同基建發展，仲可以一齊幻想吓未來嘅香港。


「博物館節」周六開始

如對城市規劃冇咩興趣，星期六（24號）至7月9號會有「香港博物館節2017」推出近100項節目同活動，總有一個活動啱你心水。怕玩唔晒？喺6月24號至7月9號可乘搭有6條唔同路線免費穿梭巴士，一日去幾個博物館，盡情參加各項活動。


除咗上述大型活動，嚟緊周末喺唔同地方都會有嘉年華，全部都係免費入場。想了解「印象∞香港」展覽詳情，可瀏覽展城館網頁（www.citygallery.gov.hk）；想了解博物館節詳情則可留意www.museums.gov.hk/mf2017。