香港寬頻「殺價」撬九倉客

【明報專訊】雖然對香港寬頻（1310）嚟講，王維基同「殺價超人」已經係好耐之前嘅事，但呢種搶客DNA仍然延續緊，好似噚日就公布，劈價五成吸引九倉電訊家嘅企業客轉會，擺明車馬要搶客！

商業客可獲50％月費折扣

香港寬頻噚日公布，企業方案業務推出優惠，由即日起到今年9月30日，所有九倉電訊現有商業客戶，一旦轉用香港寬頻指定同類服務，就有24個月50%月費折扣。九倉電訊現有客戶均能受惠，當中包括商業寬頻、上網專線服務等。香港寬頻商務總裁兼企業方案及持股管理人楊德華話，因為當初香港寬頻以低於重置成本價收購新世界電訊，所以先可以做到平咁多都仲仍然保持利潤。


小琴心諗，今次香港寬頻搶客搶得咁明目張膽，可能都係見九倉電訊啱啱換咗老闆，大股東由九倉（0004）變咗做外資基金，唔知係咪明烚九倉家後台無咁勁？

[小琴密語]