高靜芝同CY紙板合照 「恨不得他狼一些」

【明報專訊】特首梁振英（CY）噚日到尖沙嘴一間酒店，出席由齊心基金會搞嘅「梁粉」支持者聚會，但唔歡迎傳媒採訪，Emily問參加者，佢哋話活動都係敘舊傾吓偈，場面感動；其間大家爭相同CY及梁太唐青儀合照。大會仲喺酒店整咗個紙板CY，場景係佢帶住一張摺櫈、一支筆、一本簿去公屋聽意見，唔少人走去同紙板CY合照，包括中央政策組顧問高靜芝（圖）。


出席者都獲贈一本《這個特首不太冷》嘅書，有大批梁粉讚賞CY嘅內容，其中高靜芝喺書中話「恨不得他狼一些」，原因係CY面對巨大壓力，但未見過佢發脾氣，也不出惡言，認為CY「一點也不狼」，有時候CY可以「狼」一點。