新聞類別
副刊
詳情#
【明報專訊】近排空氣真係好差，Mama識好多小朋友都氣管敏感，一咳就咳足成個月，真係戥佢哋心痛！當然，空氣變差嘅原因有好多，除咗大量飄下飄下嘅木棉花絮、車輛排出嘅廢氣之外，唔少得係大家老生常談嘅二手煙。
近年，政府已經好落力向市民宣傳戒煙嘅好處，Mama都明白呢個習慣對煙民嚟講係好難一下子改變，不過Mama有個十幾年煙齡嘅老朋友最近竟然成功戒煙，問佢係用咩方法啦，原來係一張「親情牌」。因為當一個幾歲人仔同你講：「爸爸你唔好食煙啦，吸煙對身體唔好，仲有可能上天堂吖！」作為爸爸聽到梗係心軟啦，長遠咁諗，當然唔想影響埋心肝寶貝嘅健康，於是咪的起心肝戒除煙癮囉。
保良局推動畫教材 免費派發
所以，要預防全民吸煙，最好方法係由幼稚園做起。唔好以為小朋友乜都唔識，原來2015年開始，保良局教育事務部得衛生署支持，推行為期兩年嘅「無煙有LIKE」幼稚園預防吸煙教育計劃，其中一項活動係製作咗1000份教材套免費派發畀全港幼稚園，教材套內容包括三個得意手偶、四本大圖書同埋動畫音樂光碟等材料，等幼稚園可以靈活運用喺教學之中，令小朋友認識吸煙同二手煙嘅禍害。
保良局教育總主任（學前教育）趙文堅話，有使用教材套嘅幼稚園向佢哋反映，話小朋友對有關動畫非常感興趣，同時對二手煙亦加深咗認識，呢個效果就係佢哋設計教材嘅用意。「小朋友遠離二手煙嘅意識並唔高，而之前坊間都冇呢一類專為幼稚園而設嘅教材，佢哋透過學校活動加深認識後，除咗可以保護自己，亦可以做勸導嘅角色，請父母或公公爺爺等戒煙。」Mama仲知道為顧及非華語學生同不同幼稚園需要，今年6月底，就會有英文版教材套推出，屆時又有多啲幼兒可以加入「禁煙小天使」行列，令成個城市嘅空氣變得更清新啦！
[Happy PaMa 教得樂 第141期]
近年，政府已經好落力向市民宣傳戒煙嘅好處，Mama都明白呢個習慣對煙民嚟講係好難一下子改變，不過Mama有個十幾年煙齡嘅老朋友最近竟然成功戒煙，問佢係用咩方法啦，原來係一張「親情牌」。因為當一個幾歲人仔同你講：「爸爸你唔好食煙啦，吸煙對身體唔好，仲有可能上天堂吖！」作為爸爸聽到梗係心軟啦，長遠咁諗，當然唔想影響埋心肝寶貝嘅健康，於是咪的起心肝戒除煙癮囉。
保良局推動畫教材 免費派發
所以，要預防全民吸煙，最好方法係由幼稚園做起。唔好以為小朋友乜都唔識，原來2015年開始，保良局教育事務部得衛生署支持，推行為期兩年嘅「無煙有LIKE」幼稚園預防吸煙教育計劃，其中一項活動係製作咗1000份教材套免費派發畀全港幼稚園，教材套內容包括三個得意手偶、四本大圖書同埋動畫音樂光碟等材料，等幼稚園可以靈活運用喺教學之中，令小朋友認識吸煙同二手煙嘅禍害。
保良局教育總主任（學前教育）趙文堅話，有使用教材套嘅幼稚園向佢哋反映，話小朋友對有關動畫非常感興趣，同時對二手煙亦加深咗認識，呢個效果就係佢哋設計教材嘅用意。「小朋友遠離二手煙嘅意識並唔高，而之前坊間都冇呢一類專為幼稚園而設嘅教材，佢哋透過學校活動加深認識後，除咗可以保護自己，亦可以做勸導嘅角色，請父母或公公爺爺等戒煙。」Mama仲知道為顧及非華語學生同不同幼稚園需要，今年6月底，就會有英文版教材套推出，屆時又有多啲幼兒可以加入「禁煙小天使」行列，令成個城市嘅空氣變得更清新啦！
[Happy PaMa 教得樂 第141期]
回應 (0)
