鼓勵分類回收 港燈收起垃圾桶 廢物量減半

【明報專訊】政府計劃推行垃圾徵費，其中一項措施係大幅減少街上嘅垃圾桶，避免市民攞啲垃圾落街棄置，呢個構思頗具爭議，唔知幾時先至可以落實。港燈為咗鼓勵員工減廢同回收，2015年起試驗以回收桶取代垃圾桶，發現成效理想，所以喺2016年已全面落實。


港燈發言人話，自從推行試驗計劃，每個員工嘅垃圾桶都會被收起，辦公室內則加設三色回收桶，鼓勵員工扔垃圾嘅時候先做分類，慳番唔少資源，而公司又會喺適當地點如茶水間放置大型垃圾桶，畀員工棄置無回收價值嘅物料。


港燈話收回垃圾桶計劃十分成功，2016年喺港燈辦公室回收嘅可重用金屬及塑膠物料，較2015年上升1.5倍，廢物總量則減少50%，加強咗員工源頭分類意識同習慣，成績令人鼓舞。今日係世界環境日，港燈話，自2012年起已經連續6年響應呢個有意義嘅綠色號召，透過各項活動以行動支持環保。