梁振英fb自問自答

【明報專訊】一連三日喺中環海濱舉行嘅龍舟嘉年華噚日踏入尾聲，特首梁振英（CY）下晝到場向得獎健兒頒獎（圖）。CY去頒獎前，喺facebook提到佢2012年當選後，未上任就宣布實行雙非孕婦來港產子「零配額」。佢自問自答：點解5年後嘅今日，據報章報道上水有300人爭小學一年級15個叩門位？原因係2011年為內地雙非嬰兒在港出生高峰。
佢又問：明年同後年仲有多少雙非嬰到香港嘅學校叩門？答案係：雙非嬰出生人數和小一人數嘅6年滯後效應。之後CY話題一轉，指「房屋問題也一樣」，雖然呢幾年供應大增，但樓價租金仍屢創高峰，大家必須重視房屋供應嘅4、5年滯後效應咁話。Emily佩服CY「議題設定」嘅能力。