「大嘥鬼」撐《巴黎協定》

【明報專訊】全球暖化危機迫在眉睫，195個國家前年簽署《巴黎協定》，齊心對抗氣候變化，但美國總統特朗普正式宣布退出協定，歐洲多國領袖都齊聲批評。連港府惜食香港運動吉祥物「大嘥鬼」都因此「嬲嬲豬」，喺facebook以「齊撐巴黎協定」回應，配埋自己手執疑似特朗普標誌金髮嘅圖片。


大嘥鬼話，氣候變化唔只係一個國家嘅事，「如果因為利益、政見而背棄心愛嘅地球，就實在太令人失望喇！」睇嚟「大嘥鬼」除咗關注香港環保，亦都好有國際視野。大嘥鬼仲識引用法國總統馬克龍聲明中嘅「Make our planet great again」金句，諷刺特朗普嘅競選口號「Make America great again」。