紀錄片上映 之鋒獲多國人鼓勵

【明報專訊】美國網絡電視Netflix早前上映咗一套紀錄片《黃之鋒：熱血青年vs.超級強權》，講述香港眾志秘書長黃之鋒由2012年至2016年參加社運嘅經歷。黃之鋒同Emily講，自從紀錄片上映後，佢嘅facebook收到來自世界各地逾10個國家嘅人士畀佢嘅鼓勵私訊，當中更有內地人私訊黃之鋒，話要「翻牆過來看看（紀錄片）」。


黃之鋒話，巴西、德國、比利時、阿根廷、菲律賓同加拿大等地嘅人，都有私訊鼓勵佢，其中一個來自巴西嘅女仔話紀錄片好有啟發性，祝福黃之鋒同香港好運。