新聞類別
財經
詳情#
【明報專訊】「打遍天下無敵手」嘅人工智能（AI）圍棋軟件AlphaGo，都同「超人」李嘉誠有關？原來AlphaGo嘅研發公司DeepMind，當年仍然四處搵錢支持運作時，最早拋出橄欖枝嘅就喺超人嘅維港投資。不過，直至2014年Google收購DeepMind時，可能連超人都唔會諗到，AlphaGo今時今日完全粉碎咗圍棋呢個「人類智慧最後嘅堡壘」，唔怪得超人都不禁話睇完AI，自己好似遭遇咗「當頭棒喝」！
話說上星期五AlphaGo同柯潔嘅第三場賽事，超人一早就守喺公司睇電視直播，嗰晚又打鐵趁熱上咗堂AI堂，而老師竟然就喺AlphaGo嘅發明者，兩位DeepMind創辦人Demis同Mustafa。小琴聽講超人上堂好認真，問老師有咩建議，可以令政府同公司採用AI，仲自我反思，話睇到啲關於AlphaGo嘅評論文章其實有好多盲點，仲好「自以為是」咁，阻礙社會認識科技同埋拖累人類「走向未來」。
其實科技呢樣嘢，最緊要係挑戰與突破，但如果香港連是否有容納Uber嘅空間都懶得探討，小琴真喺勸一班故步自封嘅官員，唔好再發香港變身區域創新中心嘅春秋大夢啦。
email: piano@mingpao.com
[小琴密語]
話說上星期五AlphaGo同柯潔嘅第三場賽事，超人一早就守喺公司睇電視直播，嗰晚又打鐵趁熱上咗堂AI堂，而老師竟然就喺AlphaGo嘅發明者，兩位DeepMind創辦人Demis同Mustafa。小琴聽講超人上堂好認真，問老師有咩建議，可以令政府同公司採用AI，仲自我反思，話睇到啲關於AlphaGo嘅評論文章其實有好多盲點，仲好「自以為是」咁，阻礙社會認識科技同埋拖累人類「走向未來」。
其實科技呢樣嘢，最緊要係挑戰與突破，但如果香港連是否有容納Uber嘅空間都懶得探討，小琴真喺勸一班故步自封嘅官員，唔好再發香港變身區域創新中心嘅春秋大夢啦。
email: piano@mingpao.com
[小琴密語]
回應 (0)
