港台改播CCTV-1綜合頻道

【明報專訊】香港電台喺亞洲電視「熄機」之後接手頻道，港台本月29日起有新搞作，33及33A台將會由中央電視台頻道9英語紀錄頻道（即中國環球電視網紀錄頻道CGTN Documentary），改為中央電視台綜合頻道（CCTV-1綜合）。Emily睇番節目表，呢個台會有新聞節目同劇集等欣賞。


港台話，其實最初計劃港台電視33內容時，已經諗過播CCTV-1 綜合頻道，但當時已經有其他免費電視台轉播，唔想重複就無播，不過家已經無其他台播，加上大多數香港觀眾都傾向睇中文電視節目，所以有呢個新安排。唔知道今次嘅改動，同候任特首林鄭月娥曾經批評港台電視節目有無關係呢？