曾鈺成泄「行會秘密」﹕董年代田少已不滿CY

【明報專訊】立法會前主席曾鈺成離開立法會後，可以話退而不休，不時亮相電視台節目，好似ViuTV噚晚首播節目《埋班》，就由曾鈺成去訪問唔同人，首集就由JT曾鈺成訪問JT田北俊，喺ViuTV嘅宣傳片段中，曾鈺成已大爆勁料，仲要係爆當年行政會議內嘅秘聞(口添)！
董當年取消行會召集人
曾鈺成話，當年只得5名非官守成員，睇番資料包括曾鈺成、田北俊、梁振英、鄭耀棠同廖長城，佢話田少當年好不滿CY，田少當時話如果由CY帶隊去考察、訪問，佢就唔會去，於是時任特首董建華就諗辦法，結果嗰一段時間，行會係無召集人嘅。Emily睇番資料，2002年7月時，政府發言人證實新一屆行會已取消召集人，特首辦解釋因為當時非官守嘅行會成員大幅減少，所以無必要設有關職位。
曾鈺成仲爆料話，當時CY一講嘢，田少就會企起身行出去，唔聽CY講嘢。喺另一段宣傳片中，田少同曾鈺成仲去咗唱K，合唱《沉默是金》。