昂坪360兩周內重開

【明報專訊】昂坪纜車今年1月開始更換纜索，昂坪360話更換工程符合預期，估計會喺兩個禮拜內重新投入服務。纜車服務喺重開後首星期嘅開放時間為早上10點至傍晚5點，提早1個鐘頭關閉，以預留更多時間做夜間檢查同維護工作。第二個星期後嘅營運時間將恢復正常，即平日朝10晚6，星期六、日及公眾假期為早上9點至晚上6點半。
昂坪360董事總經理關敏怡話，現時未有確實纜車重開日期，因為仲做緊多項測試，要通過重量同可靠度測試等，並且唔受落雨等天氣影響先能重開。佢又話換纜工程預算8000萬元，現時無超支，亦無考慮因換纜加價。
10歲小朋友今年免費搭
為慶祝昂坪360開業10周年，所有10歲小朋友都可在纜車服務重開後去到12月31日期間無限次免費乘搭標準車廂嘅纜車，兩名同行大人亦可有九折。而由重開日起至6月30日，經昂坪360網站購買來回纜車車票（一程標準及一程水晶）都會有八五折優惠。纜車成人來回標準車廂票價185元，長者及兒童票分別為130元及95元。