母親節游蕙禎派花 蕭偉強趁機謝妻

【明報專訊】唔少立法會議員同區議員噚日都趁母親節，度區派花同市民一齊歡度母親節，新民黨區議員陳家珮就孭埋囝囝一齊落區派花，度過做媽媽後第一個母親節，不過新民黨主席葉劉淑儀就要獨自過節，因為喺上海工作嘅囡囡Cynthia，受內地空管影響，返唔到香港。葉太話食飯送禮只係形式，「女兒有一顆為我慶祝的心，千山萬水都想來探望我，這心意才最是難得」。


空管影響 葉劉獨自過節

除咗區議員落區派花，被取消九龍西立法會議員資格嘅青年新政游蕙禎亦去黃埔派花，吸引唔少網友留言，其中有疑似「五毛」嘅網友用簡體字留言，呼籲游蕙禎「不要再?祖国??的心了」，亦有網民叫游蕙禎好好搵番份工，咁阿媽就開心喇。


勞工及福利局長蕭偉強都喺網誌分享家庭照，話好珍惜每一個同家人共度嘅美好時光，仲話想趁母親節及國際家庭日，與一對仔女向太太表達愛同感謝。蕭偉強亦趁機向一啲無私付出愛心嘅寄養或領養家庭嘅母親致敬，感謝寄養家庭為有需要嘅小朋友提供妥善照顧，以及家庭溫暖。