新聞類別
財經
詳情#
【明報專訊】半年前可能好多香港人都未聽過海航呢個名。但係由舊年11月起，用272億鯨吞啟德4塊地皮，今時今日你仲唔識海航真係好打有限。但係小琴話你知，海航除咗地產之外，喺香港另一支柱行業金融業，都將會大展拳腳。
成立創新金融控股公司
海航尋日喺ICC Sky100舉行創新金融控股公司的成立典禮，打算利用香港呢個國際金融中心，幫人民幣國際化。典禮上面海航首席執行官譚向東話，海航集團全球聘請41萬人，只有11萬喺內地、有廿幾萬喺歐洲、4.5萬喺美國、香港都有1萬，原來海航咁國際化，真係唔講唔知。
海航喺香港搞創新金融控股公司，聽講佢地想搞嘅包括商品期貨、證券、收購合併、保險、債務融資，即係你噏得出的金融服務，佢地都想搞。有人話佢地過去幾年已經低調地喺香港攞齊金融領域各個牌照，雖云有牌照，但大鑼大鼓成立控股公司，要快速壯大，只有一個途徑，就係收購。睇嚟香港一眾銀行、險商、券商又可以皇帝女唔憂嫁，等海航嚟敲門了。
[小琴密語]
成立創新金融控股公司
海航尋日喺ICC Sky100舉行創新金融控股公司的成立典禮，打算利用香港呢個國際金融中心，幫人民幣國際化。典禮上面海航首席執行官譚向東話，海航集團全球聘請41萬人，只有11萬喺內地、有廿幾萬喺歐洲、4.5萬喺美國、香港都有1萬，原來海航咁國際化，真係唔講唔知。
海航喺香港搞創新金融控股公司，聽講佢地想搞嘅包括商品期貨、證券、收購合併、保險、債務融資，即係你噏得出的金融服務，佢地都想搞。有人話佢地過去幾年已經低調地喺香港攞齊金融領域各個牌照，雖云有牌照，但大鑼大鼓成立控股公司，要快速壯大，只有一個途徑，就係收購。睇嚟香港一眾銀行、險商、券商又可以皇帝女唔憂嫁，等海航嚟敲門了。
[小琴密語]
留言 (0)
