都市麗人爆女士網購胸圍「買大啲」

【明報專訊】「女神」林志玲有份代言嘅中國貼身衣物品牌都市麗人（2298），向來最受歡迎嘅產品就係文胸，啫係胸圍。主要負責電商業務嘅集團副總裁沙爽就同小琴開心分享，話原來客人喺網上買嘅文胸尺寸一般會為門店大，因為無得試，女士就傾向相信自己「無咁細」，所以會傾向買大啲咁話喎。


沙爽就話，門店賣得最好嘅文胸尺寸一般係75B，但網上賣得比較好嘅尺寸係80C，仲佔成三分之一嘅銷售份額。咦！唔通係因為身材豐滿啲嘅客人怕醜，全部都經網上買？非也！沙爽解釋番，因為一般客戶去門店，店員會建議番合適對方嘅尺寸，多數都係75B；但有啲女士覺得自己無咁細，所以係網上購物時就會傾向買番大啲咁話。不過，佢就覺得75B同80C分別唔太大嘞，仲邊講邊用手比劃兩種尺寸嘅分別，睇嚟對集團嘅產品都應該十分熟悉。


[小琴密語]