新聞類別
財經
詳情#
【明報專訊】每逢星期一小琴都唔會好心情，因為放完假又要返工。講到放假，出名假期特別多嘅香港寬頻（1310）又有新搞作，除咗已經推出男士14日侍產假同埋女士16周全薪產假，下個月1號起再新設「添孫假」，即係你抱孫，香港寬頻就送你3日假期弄孫為樂。
抱孫都可以放假，聽落當然好吸引，不過大前提係你首先要生個仔，然後你個仔要再生個仔，如果想快啲拎到「添孫假」，咁唔單止你要「努力造人」，仲要敦促你個仔「努力造人」，所以小琴都好奇，香港寬頻嘅員工有幾多個已經去到祖父母級數呢？
可以申請1年無薪「追夢假」
咁怕唔怕會有冇孫抱嘅員工扮抱孫呃假呢，公司嗰邊就話，要交一張有初生嬰兒嘅三代同堂合照先可以申請「添孫假」喎！不過咁，除咗「添孫假」，香港寬頻仲有畀你「追求個人目標或夢想」嘅一年無薪假，大家不妨申請停薪留職一年，用呢段時間追求你心儀目標，再實現造人夢想，咁就可以加快日後放假抱孫嘅速度。
email: piano@mingpao.com
[小琴密語]
抱孫都可以放假，聽落當然好吸引，不過大前提係你首先要生個仔，然後你個仔要再生個仔，如果想快啲拎到「添孫假」，咁唔單止你要「努力造人」，仲要敦促你個仔「努力造人」，所以小琴都好奇，香港寬頻嘅員工有幾多個已經去到祖父母級數呢？
可以申請1年無薪「追夢假」
咁怕唔怕會有冇孫抱嘅員工扮抱孫呃假呢，公司嗰邊就話，要交一張有初生嬰兒嘅三代同堂合照先可以申請「添孫假」喎！不過咁，除咗「添孫假」，香港寬頻仲有畀你「追求個人目標或夢想」嘅一年無薪假，大家不妨申請停薪留職一年，用呢段時間追求你心儀目標，再實現造人夢想，咁就可以加快日後放假抱孫嘅速度。
email: piano@mingpao.com
[小琴密語]
留言 (0)
