胡定旭邀班禪為港祈福

【明報專訊】一年一度、會期10日嘅全國政協會議噚日閉幕，一班政協喺北京馬拉松式開會都咪話唔攰，政協常委胡定旭（肥胡，左）噚日就好彩，由大會安排坐喺中國佛教協會副會長、班禪額爾德尼確吉傑布隔籬。肥胡就唔客氣，請班禪為香港祈福，而班禪仲介紹佢睇多識仁波切嘅著作《愛心中爆發的智慧》。肥胡話班禪好友善，仲話對方好勁，識得超過20種語言。