歌舞表演 為外傭打打氣

【明報專訊】在港工作嘅30多萬外籍家庭傭工，為香港家庭貢獻良多，國際移民組織香港特區辦事分處和基督教勵行會外籍傭工服務中心，就趁3月8日婦女節後嘅星期日，喺九龍灣搞活動為外傭打氣，除咗嘉許佢哋，仲提倡為正處於弱勢和被剝削嘅外傭賦予應有權利同保護。


主辦單位話，唔少國家嘅婦女為咗養家，要選擇出國做外傭，對自己國家及服務嘅國家都有貢獻，但就有唔少人遇到剝削、虐待。活動仲有外傭才藝表演決賽，又有外傭參加嘅「Women at Work攝影展」，本港首名以直選入立法局（會）嘅女性議員劉慧卿亦到場支持，卿姐呼籲外籍傭工同僱主能創造雙贏局面，大家互相尊重，僱主要善待傭工。