CY網誌舊稿重貼 澄清UGL事件

【明報專訊】特首梁振英（CY）早前入稟高等法院，控告會計界立法會議員梁繼昌就UGL事件發表的言論屬誹謗。CY噚日喺網誌重貼有關UGL喺2014年10月9日嘅新聞稿。


CY噚日發表題為「UGL新聞稿（中文譯本）」網誌，文中話UGL係澳洲上市公司，2014年10月9日澳洲傳媒Fairfax Media報道UGL同佢喺2011年底簽訂協議後，UGL當日就立即發新聞稿回應。跟住CY就將整篇新聞稿複製到網誌上。根據當年嘅新聞稿，UGL話報道錯誤引用「秘密付款」一詞，形容毫無根據並且誤導，有關安排係一項「按照商業慣例作出的不作競爭和不作挖角的協議」。而於2011至2013年間及之後，UGL從無要求CY執行任何任務。