饒宗頤作品郵票23日發售

【明報專訊】香港郵政將會喺3月23日發售一套以「饒宗頤教授畫作及書法」為題嘅郵票同埋相關集郵品，國學大師饒宗頤特別為呢套郵票定名為「選堂筆趣」，上面全部係饒老所畫嘅人物同山水花鳥畫作，重有佢嘅書法作品。


饒宗頤係當代中國傳統文學巨匠，今次香港郵政就揀咗饒宗頤部分作品，例如《九松羅漢》、《澤潤四方》同《摹唐人觀音》等印喺郵票，雖然郵票細細，但都睇到饒宗頤嘅筆鋒幾咁活潑，亦見到佢嘅書畫作品好有特色，喜歡書法同水墨畫嘅市民一定唔可以錯過。