新聞類別
財經
詳情#
【明報專訊】中國科網有三巨頭「BAT」（即百度、阿里巴巴和騰訊），雖然近年百度明顯畀阿里同騰訊（0700）拋離咗，不過噚日偏偏就有位全國政協當住百度老闆李彥宏，猛咁讚馬雲同馬化騰，提都唔提李生，搞到佢都幾無癮。
話說噚日工商聯政協小組討論，呢位委員踴躍發言，而且落足鞋油，先讚阿里巴巴馬雲，話佢雖然唔係「高富帥」，但同一向把口相當刻薄嘅美國總統特朗普見面，竟然畀佢稱讚係偉大企業家。然後又讚騰訊馬化騰，話微信支付方便易用。呢名委員意猶未盡，又提到同組另一委員張近東嘅蘇寧，去年銷售額5000億，仲即場問埋另一同組委員李書福間吉利（0175）銷售額幾多。最後佢感嘆，如果有多幾個雙馬或張近東等人，中國就真係不得了。
其實呢名委員又唔係話講得唔啱，弊就弊在佢口沫橫飛咁誇雙馬，唔記得同場其實仲有另一名已經同組咗5年嘅委員李彥宏，搞到李彥宏全程都唔知畀咩反應，只有低頭寫筆記、篤電話。
email: piano@mingpao.com
[小琴密語]
話說噚日工商聯政協小組討論，呢位委員踴躍發言，而且落足鞋油，先讚阿里巴巴馬雲，話佢雖然唔係「高富帥」，但同一向把口相當刻薄嘅美國總統特朗普見面，竟然畀佢稱讚係偉大企業家。然後又讚騰訊馬化騰，話微信支付方便易用。呢名委員意猶未盡，又提到同組另一委員張近東嘅蘇寧，去年銷售額5000億，仲即場問埋另一同組委員李書福間吉利（0175）銷售額幾多。最後佢感嘆，如果有多幾個雙馬或張近東等人，中國就真係不得了。
其實呢名委員又唔係話講得唔啱，弊就弊在佢口沫橫飛咁誇雙馬，唔記得同場其實仲有另一名已經同組咗5年嘅委員李彥宏，搞到李彥宏全程都唔知畀咩反應，只有低頭寫筆記、篤電話。
email: piano@mingpao.com
[小琴密語]
留言 (0)
