街頭巷尾 藝術秘點

【明報專訊】今年旅發局將3月炮製成「香港藝術月」，安排咗好多藝術盛事畀公眾參與。適逢香港特區成立20周年，旅發局加入咗多個同20有關嘅元素，包括同路透社合作，選出20張最能表達「香港鮮為人知的藝術秘點」嘅相，其中一張相係位於深水埗小巷嘅街頭塗鴉（圖），就係本地藝術家KristopherH嘅作品，畀旅客從唔同角度感受香港獨特嘅藝術氛圍同地區面貌。


除此之外，當局仲向旅客精選推介城中20個精彩藝術活動和好去處，包括「第45屆香港藝術節」、「巴塞爾藝術展」等活動，旅發局今年亦繼續同業界合作推出導賞團，主要介紹中區嘅藝術特色，有興趣市民可以瀏覽旅發局網站了解詳情。