瑪麗80周年 五代總監齊歡唱同慶賀

【明報專訊】坐落港區薄扶林嘅瑪麗醫院原來已經80歲喇，啱啱仲喺過去嘅周日舉行慶祝晚宴，咁難得建院80年，醫院嘅五代總監聚首一堂，仲齊齊大唱《獅子山下》同埋《喝采》。


聽聞嗰晚大家玩得好開心，除咗現任總監陸志聰，4個前總監都有現身，包括黃譚智媛、賴福明、做完總監升級做食衛局長嘅周一嶽、短暫頂替做過3個月總監嘅現任醫管局行政總裁梁栢賢。


除咗高層空群而出到賀，瑪麗內科有3個醫生同1個護士組成「大內群英」，專登作咗首歌《同行．四千週歲月》慶祝，唱出瑪麗人戰勝一場場硬仗嘅心聲，仲拍埋MV，等大家見吓平日默默耕耘嘅一班瑪麗人。


■《同行．四千週歲月》：https://youtu.be/8HIJD7pZjxY