教聯會就職禮

【明報專訊】香港教育工作者聯會（教聯會）噚日喺尖東一間酒店舉行新一屆理事會就職禮，新任主席、身兼教聯會黃楚標學校校長嘅黃錦良（右）致辭時，形容近年教育議題日趨政治化，政治「干擾、入侵」校園，令辦教育嘅路愈嚟愈難走，但慶幸今年有57個有心人加入理事會，個個都樂意奉獻時間同專長咁話。
教聯會就職禮都有邀請唔少政治人物出席，包括特首梁振英、全國人大常委范徐麗泰（中）同中聯辦副主任譚鐵牛等，梁振英話教聯會多年嚟就教育政策提出意見，一直係政府嘅重要伙伴；譚鐵牛就讚教聯會一直愛國愛港。左為教聯會副主席王潤強。