姚松炎陸頌雄 撐枱腳有偈傾

【明報專訊】唔好睇政見南轅北轍嘅立法會議員喺電視上經常唇槍舌戰，互相開火，其實出咗議事廳，大家私底下都有偈傾，氣氛融洽好多。例如Emily噚日中午就喺繁忙嘅立法會餐廳，撞到兩個新丁議員搭枱食飯，一個係平時火藥好足嘅工聯會陸頌雄（舉手者）、一個係畀政府申請DQ嘅姚松炎（左）。陸頌雄話，大家同枱食飯，都有互相關心下議員工作，例如佢點兼顧大學授課同議會，對方又問下自己辦事處搵成點，大家肯肯定定無反枱。