高過目標 天文台準確率89％

【明報專訊】天文台天氣預測有幾準？根據政府噚日公布嘅帳目報告，天文台喺2016年，經客觀方法驗證，向市民發布準確天氣預報嘅百分率達89% ，高過目標嘅88%，但就比2015年嘅92%退步咗。


市民認為準確率74％

至於市民、船長同航空公司認為天氣預報準確嘅比例都差幾遠，則分別為74%、98%同100%，似乎喺市民心目中，天文台嘅預報準確度仍有改善空間。


另外，帳目報告亦顯示醫療輔助隊舊年執行緊急任務嘅工時達7017小時，比前年多大約5000小時，即逾兩倍，當中包括舊年6月牛頭角四級火同兩次颱風期間出動。舊年輔助隊喺郊野公園值勤治療嘅個案亦達3149宗，比前年多接近2000宗，當中包括擴展急救單車服務後嘅個案。