梁卓偉：絕不參選特首

【明報專訊】港大醫學院長梁卓偉噚晚出席港大通識部舉辦嘅座談會，同4個學生會前會長、現屆會長對談。梁卓偉喺開場白度話，自己唔係要講「官員嘅臨別贈言」，又話自己「無知無心無能」，所以絕對唔會參選行政長官。


見馬斐森辭職要「重新考慮」

梁卓偉話，特首梁振英早前宣布唔競逐連任後，梁嘅下屬就紛紛辭職參選特首。梁卓偉話，咁啱自己嘅上司、港大校長馬斐森亦都辭任咗，所以令佢「不得不重新考慮」今晚要同學生分享嘅內容。


座談會期間，梁卓偉提到香港有唔少病嘅表徵，包括樓價高企同貧窮問題等，佢話香港6個人當中，就有1個係貧窮，「我哋點可以安寢？除咗有啲參選人瞓喺度體驗劏房，或者有候選人話人『瞓喺度都入閘』，啊唔係，可能做唔到候選人，只係參選人」。