新聞類別
副刊
詳情#
【明報專訊】每逢新年，Mama荷包肯定輕幾磅，而體重呢，就一定暴增幾磅。鬼咩，日食夜食，再加埋日日曲奇餅、蛋卷做下午茶，想唔肥都難。大家千祈咪誤會Mama係大食之人，查實Mama向來都無食tea嘅習慣，之不過新年收埋一大堆賀年糖果，如果Mama唔出「口」相助嘅話，睇怕到最後又係擺到過期，奉獻畀垃圾桶。
月底前收集 轉贈基層
Mama成日都同啲親朋好友講，拜年真係唔需要送禮，大家聯誼一下已經好開心，但啲親友又鬼咁客氣，個個硬係要攞禮物嚟。於是，Mama今年就做咗個決定，就係只留低兩三盒「過口癮」，其餘嘅，就統統捐畀慈善機構，惠澤社群，相信Mama嘅親戚朋友都唔會介意啩！
坐言起行，Mama尋日就將屋企大量嘅賀年食品，拎去非牟利環保組織「食德好」嘅「新春賀年食物回收」收集站，佢哋由現在開始直至2月28日，都會喺全港九新界七十幾個地點，收集市民送出嘅賀年剩食，再轉贈畀貧困家庭。不過，要注意，食物一定要係完好、尚未開封嘅包裝及乾貨類，而最佳食用期或品質期必須喺2017年4月30日之前。想學Mama咁行善積福，可以睇下「食德好」嘅facebook宣傳（www.facebook.com/foodrecycling/posts/1394110437285986）。
既然Mama捐禮物，兩個豆丁就當然要捐利市啦！Mama今年要求佢哋攞出三分之一嘅利市錢捐畀三間社會服務機構，好開心兩個細路都無異議，商議過後，最終拍板捐畀世界宣明會、城市睦福團契，以及Go.Asia愛心起動，希望本港以至海外嘅弱勢社群都關顧得到。如果大家有興趣了解呢三間機構嘅工作，以及捐利市嘅方法，可登入以下網址﹕
世界宣明會﹕www.worldvision.org.hk/redpacket
城市睦福團契﹕peacemaker.org.hk
Go.Asia愛心起動﹕www.go.asia/red-pocket-donation-campaign
月底前收集 轉贈基層
Mama成日都同啲親朋好友講，拜年真係唔需要送禮，大家聯誼一下已經好開心，但啲親友又鬼咁客氣，個個硬係要攞禮物嚟。於是，Mama今年就做咗個決定，就係只留低兩三盒「過口癮」，其餘嘅，就統統捐畀慈善機構，惠澤社群，相信Mama嘅親戚朋友都唔會介意啩！
坐言起行，Mama尋日就將屋企大量嘅賀年食品，拎去非牟利環保組織「食德好」嘅「新春賀年食物回收」收集站，佢哋由現在開始直至2月28日，都會喺全港九新界七十幾個地點，收集市民送出嘅賀年剩食，再轉贈畀貧困家庭。不過，要注意，食物一定要係完好、尚未開封嘅包裝及乾貨類，而最佳食用期或品質期必須喺2017年4月30日之前。想學Mama咁行善積福，可以睇下「食德好」嘅facebook宣傳（www.facebook.com/foodrecycling/posts/1394110437285986）。
既然Mama捐禮物，兩個豆丁就當然要捐利市啦！Mama今年要求佢哋攞出三分之一嘅利市錢捐畀三間社會服務機構，好開心兩個細路都無異議，商議過後，最終拍板捐畀世界宣明會、城市睦福團契，以及Go.Asia愛心起動，希望本港以至海外嘅弱勢社群都關顧得到。如果大家有興趣了解呢三間機構嘅工作，以及捐利市嘅方法，可登入以下網址﹕
世界宣明會﹕www.worldvision.org.hk/redpacket
城市睦福團契﹕peacemaker.org.hk
Go.Asia愛心起動﹕www.go.asia/red-pocket-donation-campaign
留言 (0)
