唐唐：雞年黑暗過去 黎明出現

【明報專訊】好多香港人都會趁農曆新年出外旅行，全國政協常委唐英年（圖）都唔例外。佢噚日喺微博上載咗幾張相片，原來佢去咗芬蘭過新年。當地天氣非常凍，唐英年仲喺雪地同拉雪橇嘅狗仔影相填口添。雖然身在外地，唐英年都冇忘記向大家拜年，祝願香港未來一年政通人和丶經濟繁榮丶社會安定。
今年係雞年，唐英年喺帖文話公雞喺日出時啼叫，象徵黑暗過去，黎明出現、重新出發，仲話「不論是公雞丶母雞，恰如其分便是好雞！」